Azinvest İnşaat üçün korporativ tikinti portfolio saytı
Azinvest İnşaat üçün tikinti şirkətinin korporativ portfolio saytının hazırlanması.
Yaşayış, ictimai və sənaye binalarının tikintisi, təmiri və yenidən qurulması üzrə ixtisaslaşan Azinvest İnşaat QSC üçün şirkətin fəaliyyətini və tamamlanmış layihələrini peşəkar şəkildə təqdim edən korporativ veb-sayt hazırladıq.
Sayt Ana səhifə, Haqqımızda, Layihələrimiz və Xidmətlər bölmələrindən ibarətdir. Layihələrimiz bölməsində Bağça, Təhsil, Tibb və Turizm kateqoriyaları üzrə filtrləmə imkanı yaradılıb — hər layihə üçün ünvan, sahə və işlərin təsviri kimi detalların əks olunduğu ayrıca səhifə qurulub, layihələr eyni zamanda xəritə görünüşündə də nümayiş etdirilir.
Xidmətlər bölməsində şirkətin tikinti, layihənin idarə olunması, ekspert rəyinin verilməsi və interyer/mebel təchizatı xidmətləri vizual kartlar formasında təqdim olunur. Haqqımızda bölməsində şirkət haqqında məlumat və akkreditasiya sertifikatları yerləşdirilib.
Dizayn tam responsiv hazırlanıb və masaüstü, tablet və mobil cihazlarda bərabər keyfiyyətlə işləyir. Sayt Azərbaycan, ingilis və rus dillərində istifadəçilərə xidmət göstərir.
