WWF - Kitabları daha da əyləncəli edək

WWF Azərbaycan indi uşaqların mütaliəsini daha da maraqlı edir! WWF Azərbaycan gənc nəslin, xüsusilə də uşaqların mütaliə prosesini maraqlı etmək məqsədilə "Kitabları daha da əyləncəli edək" layihəsinə başlamışdır. WWF Azərbaycan qabaqcıl Artırılmış Reallıq (AR) texnologiyası ilə uşaqların mütaliə və maariflənmə prosesinin daha da maraqlı və əyləncəli olmasını reallaşdırır. Play Market və App Store`dan “ARzoom” proqramını yükləyin. WWF Azərbaycanın hazırladığı kitabların üzərində olan kodu mobil telefonun kamerası ilə skan edin və heyvan növlərini 3D animasiya ilə telefonunuzda canlandırın. Dünya üzrə bir nömrəli ekologiya təşkilatı olaraq, biz planetimizin eko sistemlərinin qorunması üçün mühüm layihələr həyata keçiririk. Lakin bununla yanaşı, biz təhsil və maariflənmənin gələcək nəsil üçün nə dərəcədə mühüm olmasını da gözəl anlayırıq. Bu səbəbdən də, Təhsil, İnformasiya Texnologiyaları və Ekologiya sahələrini bir araya gətirərək heyvanlar haqda maraqlı hekayələr kitab seriyamıza AR texnologiyasını tətbiq etməklə uşaqların mütaliə prosesini daha da maraqlı etməyə çalışırıq. Bu layihə WWF Azərbaycanın uşaqlarda doğma təbiətimizə sevgi və qayğının artırıması məqsədilə həyata keçirdiyi önəmli sosial kampayanın bir hissəsidir. Hər birimiz təbiətimizin və nadir heyvanların qorunması üçün məsuliyyət daşıyırıq və ancaq birlikdə ölkəmizin unikal ekologiyasını və heyvan növlərini gələcək nəsillər üçün qoruyub saxlaya bilərik!